Newslaya Home

​फेसबुकले डिसलाइकको सट्टामा नयाँ फिचर ल्याउँदै

सोमबार २९, माघ २०७४

काठमाडौं । डिसलाइक बटनका कारण अनलाइन दादागिरीलाई बढावा मिल्न सक्ने भएकाले फेसबुकले सोसल साइटमा डिसलाइक बटन ल्याउने छैन । 
तर प्रयोगकर्ताहरुले भने डिसलाइक बटनको आवश्यकता रहेको बताउँदै आएका छन् । त्यसैलाई मध्यनजर गर्दै फेसबुकले डिसलाइकसँग मिल्दोजुल्दो फिचर फेसबुकमा ल्याउने भएको छ । 
समाचारअनुसार फेसबुकले अहिले एक नयाँ बटनको टेस्ट गरिरहेको छ जसको नाम हो Downvote । फेसबुकले हाल यो फिचरको परीक्षण अमेरिकामा गरिरहेको छ । यसमा मानिसहरुले पब्लिक पेजका पोस्टमा गरिएका कमेन्टहरुका लागि डाउनभोट अप्सनको प्रयोग गरिरहेका छन् ।
टेक क्रन्चको रिपोर्ट अनुसार उक्त नयाँ फिचरले फेसबुकको पब्लिक पोष्टमा हुने अनुचित, असभ्य र भ्रामक कमेन्टप्रति असहमति जनाउनेछ ।
फेसबुकका प्रवक्ताले भनेका छन्, ‘हामीले डिसलाइक बटनको परीक्षण गरिरहेका छैनौँ । हामी प्रयोगकर्ताहरुका लागि एउटा यस्तो फिचरको परीक्षण गरिरहेका छौँ जसबाट उनीहरु पब्लिक पेजका पोस्टहरुमा आउने कमेन्टका विषयमा आफ्नो प्रतिक्रिया दिन सकून् ।
Downvote बटनका लागि कुनै नयाँ आइकन दिइएको छैन । हरेक कमेन्टको तल एक अप्सनको रुपमा यो देखिनेछ । जस्तो स्क्रिनसटमा देख्न सकिन्छ । जसै प्रयोगकर्ताहरु यस अप्सनमा क्लिक गर्दछन् फेसबुकले त्यसको कारण सोध्नेछ ।
कारणहरुमा Offensive, Misleading तथा Off Topic को विकल्प हुनेछ । र, त्यसमध्ये एक विकल्प छान्न सकिनेछ ।