काठमाडौं । अमेरिकाको उत्तरी क्यालिफोर्नियाका दुई स्थानमा भएका गोलीकाण्डमा अहिलेसम्म सात जनाको मृत्यु भएको छ ।
प्रहरीलाई उद्धृत गर्दै अमेरिकी सञ्चारमाध्यमहरूले हाफ मुन बे सहरका दुई फार्ममा गोली चलेको लेखेका छन् ।
सान माटेओ काउन्टी शेरिफको कार्यालयले घटनामा अरू धेरै व्यक्ति घाइते भएको र एक संदिग्धलाई हिरासतमा लिइएको जनाएको छ।
दुई दिनअघि दक्षिणी क्यालिफोर्नियाको लस एन्जलस नजिकै पनि यस्तै घटना भएको थियो । जसमा ११ जनाको मृत्यु भएको थियो ।
