काठमाण्डौ । ताइवानको पूर्वी तटमा बिहीवार(आज) ६ दशमलव २ रेक्टर स्केलको भूकम्प गएको छ ।
भूकम्पपछि धेरै हल्का परकम्पनहरू गएको टापुको मौसम विभागले जनाएको छ। ह्वालियन काउन्टीको तटबाट झण्डै ३० किलोमिटर टाढा छ किलोमिटर गहिराइमा केन्द्रबिन्दु भएर भूकम्प गएको विभागले जनाएको हो ।
भूकम्पपछि अहिलेसम्म आठ वटा परकम्पन गएको रोयटर्समा उल्लेख छ । आउँदो तीन दिनमा थप परकम्प आउने अनुमान रहेको बताइएको छ ।
ताइवानको सबवे र रेलवे अधिकारीहरूले दुवै रेलहरू कम गतिमा चलिरहेको तर सेवाहरू नरोकिएको जानकारी दिएका छन् ।
