काठमाडौँ । भारतको नैनितालमा जीप दुर्घटना हुँदा सात जना नेपालीको निधन भएको छ ।
भारतीय सञ्चार माध्यमहरुले जनाए अनुसार उक्त दुर्घटनामा एक जना भारतीय नागरिकको समेत निधन भएको छ ।
उत्तराखण्डको नैनीतालको बेतालघाट ब्लकको उँचाकोटको मल्लागाउँमा सोमवार मध्यराति एउटा पिकअप वाहन सडकबाट तल खाल्डोमा खसेर दुर्घटना हुँदा आठ जनाको घटनास्थलमै निधन भएको हो । तीन जना मानिसहरु गम्भिर घाइने भएका छन् ।
दुर्घटनामा ज्यान गुमाउन अधिकांश नेपाली नागरिक भएको भारतीय सञ्चार माध्यमहरुले उल्लेख गरेका छन् ।
बेतालघाटका थानाध्यक्ष अनिश अहमदका अनुसार अबेर राति उँचाकोटको मल्लागाउँबाट १० जना मजदूर काम सकिएपछि हल्द्वानीतर्फ गैरहेका थिए ।
त्यही क्रममा उनीहरु सवार पिकअप भ्यान अनियन्त्रित भएर दुई सय फिट भन्दा बढी गहिरो खाल्डोमा झरेको थियो । जसमा आठ जनाको घटनास्थलमै निधन भएको हो ।
