एजेन्सी । ताइवानमा बुधवार ७.४ म्याग्निट्यूडको शक्तिशाली भूकम्प गएको छ।
ताइवानका अधिकारीहरूले यो २५ वर्षयताकै सबैभन्दा शक्तिशाली भूकम्प भएको बताएका छन् । सन् १९९९ को सेप्टेम्बरमा ताइवानमा ७.६ म्याग्निट्यूडको विनाशकारी भूकम्प जाँदा २,४०० व्यक्तिको ज्यान गएको थियो।
बुधवारको भूकम्पपछि अहिलेसम्म ४ म्याग्निट्यूड अथवा सोभन्दा ठूला नौ वटा परकम्प गएको बीबीसीले जनाएको छ । ्
भूकम्पले आवासीय भवनहरू भत्केका र मानिसहरूलाई उनीहरूका घर एवं विद्यालयबाट उद्धार गर्दै गरिएका दृश्य देखिने फूटेज स्थानीय सञ्चारमाध्यमले देखाएका छन् ।
भूकम्पसँगै ताइवान र उसका छिमेकी देशहरूमा ३ मिटर उचाइसम्मको सुनामी आउन सक्ने चेतावनी जारी गरिएको छ ।
हालसम्म चार जनाको ज्यान गएको विवरण आएको बीबीसीले जनाएको छ ।
