काठमाडौँ । युक्रेनको राजधानी कीभमा हेलिकप्टर दुर्घटना भएको छ ।
सिएनएनका अनुसार हेलिकप्टर दुर्घटनापछि कम्तिमा १६ जनाको मृत्यु भएको छ ।
युक्रेनी प्रहरीका अनुसार हेलिकप्टर एक किन्डरगार्टेन र घरायसी क्षेत्रमा खसेको बताएको छ ।
मृत्यु हुनेमा विमानमा रहेका ९ जना समेत रहेका छन् । त्यस्तै मृत्यु हुनेमा दुई बालबालिका समेत रहेको प्रहरीले जनाएको छ ।
घटनामा १० बालबालिकासहित २२ जना घाइते भएका छन् । उनीहरुको स्थानीय अस्पतालमा उपचार भइरहेको बताइएको छ ।
हेलिकप्टर दुर्घटना आन्तरिक मामिला मन्त्रालयका कैयौँ उच्च अधिकारी, आन्तरिक मामिला मन्त्री डेनिस मोनास्ट्रास्के र उनका उपमन्त्रीको ज्यान गएको बताइएको छ ।
