काठमाडौँ । पेरुका पूर्व राष्ट्रपति अलेजान्द्रो टोलेदोलाई २० वर्ष ६ महिनाको जेल सजाय सुनाइएको छ । भ्रष्टाचार र सम्पत्ति शुद्धीकरण गरेको अभियोग प्रमाणित भएपछि उनलाई त्यहाँको एक अदालतले सो सजाय दिएको हो ।
टोलेदोले ३ करोड ५० लाख अमेरिकी डलर घूस लिएर दक्षिण पेरुमा सडक बनाउने करार ब्राजिलको एउटा निर्माण कम्पनी ओदेब्रेच्टलाई दिएको अभियोजनकर्ताहरूको आरोप थियो ।
टोलेदो सन् २००१ देखि सन् २००६ को बिचमा राष्ट्रपति थिए । उनी पाँच वर्षअघि क्यालिफोनिर्यामा पक्राउ परे । त्यहाँ उनी कयौँ वर्ष बसेर काम गरेका थिए । गएको वर्ष मात्रै उनलाई अमेरिकालाई सुपुर्दगी गरिएको थियो । सो करार पाउन आफूले पेरु र अमेरिकाभर कयौँ अधिकारीहरूलाई दसौँ लाख डलर घूस दिएको ओदेब्रेच्टले पनि स्वीकार गरेको थियो ।
