सुनसरी । सुनसरी निर्वाचन क्षेत्र नम्बर १ बाट निर्वाचित हर्क साम्पाङले आफ्नो निर्वाचन खर्च विवरण सार्वजनिक गरेका छन् ।
निर्वाचन आयोगमा पेश गरिएको विवरण अनुसार उनले कुल ८ लाख २५ हजार २० रुपैयाँ खर्च गरेको उल्लेख छ ।
पेश गरिएको खर्च विवरणमा विभिन्न शीर्षक अन्तर्गत गरिएको खर्च देखाइएको छ ।
जसअनुसार मनोनयन दर्तामा १० हजार रुपैयाँ, यातायात खर्चमा २ लाख ८८ हजार रुपैयाँ खर्च गरिएको छ ।
निर्वाचन खर्च विवरण प्रतिनिधिसभा सदस्य निर्वाचन ऐन, २०७४ अनुसार पेश गरिएको हो ।
उम्मेदवारहरूले निर्वाचन सम्पन्न भएको निर्धारित समयभित्र आफ्नो सम्पूर्ण खर्च विवरण आयोगमा बुझाउनुपर्ने व्यवस्था छ ।
