काठमाडौं । भारतमा स्कुले विद्यार्थी बोकेको बस दुर्घटना हुँदा १६ जनाको मृत्यु भएको छ ।
हिमाञ्चल प्रदेशको कुल्लु जिल्लाको साँज उपत्यकामा सोमबार(आज) बिहान बस दुर्घटनामा परेको हो ।
साँसेरबाट साँजतर्फ आउँदै गरेको निजी बस जाङ्ला गाउँ नजिकै सडकबाट तल खसेको बताइएको छ । आज बिहान भएको दुर्घटनामा विद्यालयका बालबालिकासहित १६ जनाको मृत्यु भएको बताइएको छ ।
दुर्घटनाको कारण भने खुलेको छैन । बसमा ३० देखि ३५ यात्रु सवार थिए ।
