काठमाडौं । भारतमा १५औं राष्ट्रपति चुन्न आज सोमबार चुनाव हुँदैछ । सोमबार बिहान १० बजेदेखि मतदान हुने समय तोकिएको छ ।
चुनावमा सत्तारुढ एनडीएको तर्फबबाट द्रोपदी मुर्मू र विपक्षबाट यशवंत सिन्हालाई उम्मेदवार बनाइएको छ ।
विपक्षका उम्मेदवार सिन्हाले आइतबार अपिल जारी गर्दै अन्तरआत्माको आवाज सुनेर आफूलाई मतदान गर्न अपिल गरेका छन् । सिन्हा कुनै बेला सत्तारुढ भारतीय जनता पार्टी (भाजपा) मै थिए, सोही कुरालाई सिन्हाले भावनात्मक रूपमा अगाडि सारेका छन् ।
चुनावमा सत्तारुढ बीजेपीसँग ४८% र विपक्षीसँग ५२% भोट रहेका भारतीय सञ्चारमाध्यमले जनाएका छन् । तैपनि सत्तारुढ पक्षकी उम्मेदवार द्रोपदीले पनि विभिन्न दलको समर्थन जुटाएकी छन् ।
राष्ट्रपतिका दुवै उम्मेदवार मुर्मू र सिन्हा उत्तिकै प्रभावशाली भएकाले चासोका साथ हेरिएको छ । गोप्य मतदाता हुने भएकाले जातीय, क्षेत्रीय, भावनात्मक कुराले मत प्रभावित हुनसक्ने अनुमान गरिँदैछ ।
